|
ПАДСУМАВАННЕ СЁЛЕТНІХ ВЫНІКАЎ І
ПАШЫРЭННЕ ТВОРЧЫХ ПЕРСПЕКТЫЎ
19 снежня ў
Мінску была праведзена сустрэча мастакоў, актывістаў і ўдзельнікаў праекта
"Выток Нёмана – выток духоўнасці”.
Сярод прысутных
былі Я.Мішчанка, А.Лычкоўскі, В.Барабанцаў, Л.Гоманаў, А.Філіповіч і Я.Шунейка.
Панавала шчырая сяброўская атмасфера. Нельга было не парадвацца, што першы
творчы год пад дэвізам супольных вандровак па Беларусі, творчых сустрэч з
шырокім колам гледачоў прайшоў даволі паспяхова.
На ўласныя вочы
пераканаліся, што ў кожным раённым цэнтры ёсць прыстойная выставовая пляцоўка,
дзе можна наладжваць шматлікія перасоўныя экспазіцыі. У кожным такім цэнтры мастакі перадаюць для
музеяў свае працы, якія потым могуць шматразова экспанавацца.
Але ніхто не
аспрэчваў і той факт, што да кожнай выставы трэба больш мэтанакіравана
рыхтавацца, больш старанна падбіраць творы, пашыраць у іх рэгіянальную
тэматыку.
Вельмі прываблівае і далейшая перспектыва такіх
запланаваных шматлікіх экспазіцый у
наступным годзе ў Полацку, Лідзе, Слуцку, Баранавічах і ў іншых выставовых
цэнтрах.
Словы ўдзячнасці
былі выказаны А.Лычкоўскаму, які з’яўляецца адказным па наладжванню сувязей са
шматлікімі музеямі Беларусі і за яе межамі.
М.Мішчанка таксама
падкрэсліў вельмі важны вынік супольнай творчай дзейнасці і ў арганізацыі
штомесячных плэнэраў па раёнах Міншчыны ў межах дабрачыннага праекта "Крылы
анёла”, арганізаваных пад эгідай Беларускай Праваслаўнай царквы і Мінскага
аблвыканкама. У кастрычніку і лістападзе адбыліся 2 такіх плэнэра ў Салігорску
і Жодзіна.
ПАД КРЫЛАМІ АНЁЛА
А на чарзе яшчэ наступныя 20 плэнэраў наступнага года. Вельмі
натхняльная перспектыва!
Вельмі прыемна,
што новымі ўдзельнікамі праекта сталі мастакі і мастацтвазнаўцы
М.Эльяшэвіч, Ф.Ладуцька, У.Рынкевіч, А.Бяляўскі, У.Сытчанка, Л.Налівайка,
Г.Мяшкова, Н.Валанцэвіч, К.Піятроўскі (Польшча), І.Котава (Францыя), Т.Фаменка
(Італія).
І для іншых
творцаў, натхнёных дзеячоў культуры Беларусі і замежжа, знойдзецца справа ў
мерапрыемствах "Вытока Нёмана”, калі яны падтрымліваюць асноўныя прынцыпы і
статут маладой грамадскай арганізацыі.
Добрай традыцыяй
становяцца і міжнародныя творчыя імпрэзы з удзелам актывістаў нашай
арганізацыі, якія арганізоўваюцца разам з Домам Дружбы, Мінскім міжнародным
жаночым клубам і іншымі дзяржаўнымі і грамадскімі структурамі.
ТАМ, ДЗЕ ШУМІЦЬ ДНЯПРО ДРУЖБА, ПОДДЕРЖАННАЯ ВРЕМЕНЕМ И ЮНОСТЬЮ ЦЯЧЭ РАКА ВІСЛА
БЛАГОТВОРИТЕЛЬНОСТЬ - ПУТЬ К ПРЕКРАСНОМУ Рождественская благотворительная ярмарка ММЖК. Дипломатия чуткости и добра
У сапраўднае Свята
Сяброўскіх Пачуццяў пераўтварылася выстава, прысвечаная творчасці Лесі Украінкі
і яе жыццю ў Беларусі. А наступны год звязаны з 200-годдзем з дня нараджэння
Т.Шаўчэнкі. У сувязі з гэтым ёсць шмат творчых ідэй і планаў.
Усе прысутныя адзначалі, што ўсе сёлетнія
творчыя мерапрыемствы атрымалі выдатную інфармацыйную медыйную падтрымку. Можна
сказаць, што за лічаныя месяцы была створана, дзякуючы куратару праекта "Выток
Нёмана-выток духоўнасці” Васілю Лычкоўскаму, аператыўна распрацаваная
інтэрнэт-прэзентацыя кожнага новага культурнага праекта.
І магчымасці
такога сучаснага падыходу да асвятлення мастацкага жыцця з кожным тыднем усё
больш удасканальваюцца. Сапраўдную радасць выклікае стварэнне серыі асветніцкіх фільмаў пра
мастакоў Беларусі, напрыклад, да 100-годдзя В.Цвіркі, да 60-годдзя Л.Гоманава і інш.
Віталь Цвірка. Славутыя мастакі з Беларусі Нёман і Гродна. Да 100-годдзя з дня нараджэння народнага мастака Беларусі Віталя Цвіркі НА НЁМАНСКІХ БЕРАГАХ О «МАЛОЙ РОДИНЕ» ВЕЛИКОГО ПЕЙЗАЖИСТА ВИТАЛИЯ ЦВИРКО АД МАГІЛЁВА ДА МАР’ІНАЙ ГОРКІ. Леаніду Гоманаву - 60!
У чым хаваецца "сакрэт”
такіх відавочных вынікаў супольнай дзейнасці?
Прысутнічае ён, менавіта, у самой ідэі
супольнай дзейнасці, якая прадугледжвае шчырыя і сяброўскія адносіны, павагу да
агульнай высакароднай справы дзяліцца з людзьмі сваімі мастацкімі здабыткамі,
аддаваць свой талент культурнаму развіццю нашай краіны.
У Беларусі можна
знайсці вельмі шмат духоўных вытокаў, якія могуць аб’ядноўваць многіх
энтузіястаў і першапраходцаў у розныя суполкі і арганізацыі.
Актывісты-"нёманцы”
гатовыя шчыра падтрымаць кожную такую сузідальную ініцыяітыву і падзяліцца
вопытам у наладжванні патрэбных мерапрыемстваў, каб актыўна рухалася наперад агульная
духоўная справа.
Я.Шунейка,
мастацтвазнаўца, адказны за асвятленне творчых вынікаў "Вытока Нёмана –
вытока духоўнасці”
Вынікі
дзейнасці праекта за красавік-снежань 2013 г.
- Красавіцкая канферэнцыя "Ствараем Будучыню Разам” па
арганізацыі грамадскага праекта "Выток
Нёмана – выток духоўнасці” здолела вызначыць важныя перспектывы
культурна-асветніцкай дзейнасці, аб’яднала ўсіх зацікаўленых актывістаў з Уздзеншчыны
і іх аднадумцаў з іншых культурных цэнтраў Рэспублікі;
- утварылася актыўная творчая
суполка мастакоў з Узды, Мінска, Гродна, якая здолела арганізаваць у ліпені
–лістападзе супольныя і перасоўныя выставы ва Уздзе, Нясвіжы, Пінску,
Салігорску, Крупках, Мар’інай Горцы, Навагрудку, Клецку, якія сустрэлі цёплыя
водгукі сярод шматлікіх гледачоў;
- на падставе праведзеных выстаў
на раённых студыях телебачання былі створаны відэаперадачы, у раённым друку
з’явіліся артыкулы, якія прапагандавалі новыя формы арганізацыі перасоўных
мастацкіх выстаў і іх відавочны творчы і дэмакратычны характар.
Падчас выстаў
адбываліся плэнэры, сустрэчы з творчай моладзю раёнаў, праводзіліся
майстар-класы, што вельмі спрыяе эстэтычнаму выхаванню нашых грамадзян, якія
жывуць па-за межамі буйных культурных цэнтраў;
- удзельнікі
выстаў падаравалі раённым установам культуры больш як 30 творчых прац у розных відах мастацтва, што з’яўляецца прыкладам
шчырай творчай зацікаўленасці ва ўзбагачэнні мастацкіх калекцый, якія ўтвараюць
сучасную культурную інфраструктуру па-за межамі сталіцы.
Гэта актывізуе
прапаганду сучаснага беларускага мастацтва ў нашым грамадстве. Апрача таго, мастакі-перасоўнікі набылі за
свой кошт і падаравалі Навагрудскаму музею
А.Міцкевіча навуковыя публікацыі паэта, выдадзеныя ў ХІХ ст., што
з’яўляецца іх культурным заклікам не спыняцца ў супольным збіранні усімі
людзьмі добрай волі нашых нацыянальных каштоўнасцей;
- на падставе арганізаваных і праведзеных
выстаў з удзелам актывістаў праекта "Выток
Нёмана – выток духоўнасці” было
напісана і выкладзена ў
інтэрнэт-парталах болей 50-ці тэматычных
артыкулаў, аздобленых сотнямі каляровых фотаматэрыялаў,
адснята сваімі сіламі, зманціравана і выкладзена ў Інтэрнэце болей за 15 відэафільмаў (гл. Дадатак), надрукаваны кнігі "Вандроўкі ад вытокаў Нёманскіх. Частка 1. Нясвіж”, "Выток Немана - выток духоўнасці, частка першая, 2013” ;
- маладыя мастакі, мастацтвазнаўцы палучылі магчымасць аператыўна публікавацца на
сайце праекта;
- сабрана і надрукавана больш за 30 кніг аб мастаках Уздзеншчыны і
Беларусі, па краязнаўству Уздзенскага раёна (гл. Дадатак),
- актывістамі праекта ў
лістападзе быў створаны на грамадскіх пачатках відэацэнтр "ПраСВЕТстудыя” і закладзены пачатак серыі "Мастацкае жыццё Белай Русі”, у межах
якой ужо створаны першыя відэасюжэты, прысвечаныя 100-годдзю з дня нараджэння
В.Цвіркі, Дому-музею М.Сеўрука ў Нясвіжы, 60-годдзю з дня нараджэння
Л.Гоманава, 120-годдзю стварэння першага паэтычнага зборніка Лесі Украінкі і яе
сувязям з беларускай культурай, 120-годдзю з дня нараджэння вялікага мастака і
тэарэтыка еўрапейскага авангарду Уладзіслава Страмінскага, адсняты першыя
сюжэты з цыклу "Гісторыя адной карціны”;
- у працэсе пашырэння асветніцкай
дзейнасці закладзены асновы культурнага супрацоўніцтва з грамадскімі
міжнароднымі арганізацыямі, з замежнымі мастацкімі цэнтрамі ў Расіі, Украіне,
Польшчы, Францыі, Італіі (галерэя «Casa d’amore» у г. Альберобелло) і ў іншых
краінах;
- на чарзе
засваенне перакладу нашага відэа і даданне субтытраў
на асноўных еўрапейскіх мовах, што значна можа пашырыць геаграфію
гледачоў, запіс аудыёінтэр’ю з мастакамі па Скайпу і публікацыя
тэкставага варыянту на сайце;
- пашырэнне
перасоўных мастацкіх выстаў за межамі сталіцы і абласных цэнтраў Беларусі
дазваляе падтрымаць многіх здольных мастакоў, якія адасоблена жывуць у розных
раёнах нашай краіны. Яны могуць у сувязі з такой практыкай актыўна далучыцца да
сваіх калег-"нёманцаў” у агульных экспазіцыях, майстар-класах, плэнэрах;
-
актуальнасць такой аператыўнай культурна-асветніцкай дзейнасці абумоўлена
пільнай неабходнасцю шырокай папулярызацыі дасягненняў беларускай мастацкай
прафесійнай школы, якую можна лічыць адной з вядучых ў сучасным свеце па
захаванню і развіццю лепшых еўрапейскіх
творчых традыцый; - усе
пералічаныя мерапрыемствы былі арганізаваны і праведзены без спонсарскай
падтрымкі, толькі за кошт удзельнікаў праекта. Але арганізатары не пакідаюць надзеі,
што ў наступным годзе маральная і матэрыяльная падтрымка абавязкова будзе імі
атрымана ад розных дзяржаўных і грамадскіх арганізацый, ад прыватных асоб, якія
разумеюць значначсць фінансавання некамерцыйных культурных ініцыятыў;
- удзельнікі праекта ставяць за
мэту далучаць усіх актыўных прыхільнікаў культурнага развіцця ў Беларусі і за
яе межамі да іх мерапрыемстваў наступнага года.
Пра іх
праведзенне будзе сваечасова паведамляцца.
З Новым Годам!
З Новымі Здабыткамі!
Дадатак
Відэафільмы
Серыя "Мастацкае жыццё Белай Русі”
01. Ад Магілёва да Мар'інай Горкі. Леаніду Гоманаву - 60!
http://www.youtube.com/watch?v=pXDp4_1bO74
02. Віталь Цвірка. Славутыя мастакі з Беларусі
http://www.youtube.com/watch?v=Gfoy1VH9R8M
03. Леся Украинка как птица крылатая (у працэсе)
04. Міхаіл Сеўрук. Экскурсія па Доме-музеі ў Нясвіжы (у працэсе)
Серыя "Гісторыя адной карціны”
01. Мікалай Мішчанка. "Пачатак
дня"
http://www.youtube.com/watch?v=yKkB2ajhbUc
02. Віктар Барабанцаў. "Дзяўчына ў
чырвоным бярэце”.
03 М.
Сеўрук. 'Жніво" 1937 г.
Расповед Вольгі Архіпавай (НММРБ)
http://www.youtube.com/watch?v=AYsHaF7GPZ0
Праект "Выток Нёмана –
выток духоўнасці”
01. Так нараджаўся праект
"Выток Нёмана - выток духоўнасці", г Узда, 2010
http://www.youtube.com/watch?v=KLQYIgt-0WA
02. Экскурсия по выставке пяти
художников в Узденском с.х. лицее 15. 02. 2013
http://www.youtube.com/watch?v=ylnZbAOYokk
03. Роднаму краю мы песню спяваем.
03.05.2013
http://www.youtube.com/watch?v=iyTb6uKn6Dg
04. О выставке Николая Мищенко в Узденском музее 11.01.2013
http://www.youtube.com/watch?v=GKQlLsZxgQY
05. Карані беларускага скульптара Яраслава Філіповіча - на Уздзеншчыне
http://www.youtube.com/watch?v=_zNV_s6yq0M
06. Ствараем будучыню разам. Прэзентацыйны
фільм 22.03.2013
http://www.youtube.com/watch?v=QHXiWAGfOkE
07. Давайте создавать будущее вместе. Презентация
образа «Выток Нёмана. УЗДЗЕНШЧЫНА» 22.03.2013
http://www.youtube.com/watch?v=8yplMNcIF3Y
08. Давайте создавать будущее вместе.
Обсуждение презентации «Выток Нёмана. УЗДЗЕНШЧЫНА» 22.03.2013
http://www.youtube.com/watch?v=rXfsVWHN2XQ
09. Выток Немана. УЗДЗЕНШЧЫНА - брэнд
раёна.
http://www.youtube.com/watch?v=O1CyEV5iH6o
10. З-пад вытокаў Неманскіх. Аб
праекце. 18. 07. 2013
http://www.youtube.com/watch?v=ZncBiK6N4Sw
11. Ад вытокаў Нёманскіх. Адкрыццё выставы
жывапісу і скульптуры ў Нясвіжы 08. 08. 2013 (ПОЎНЫ ВАРЫЯНТ)
http://www.youtube.com/watch?v=XmapDlz0cow
12. СТВ. Ад вытокаў Нёманскіх г.Нясвіж
http://www.youtube.com/watch?v=QJS5t8S-8Fc
13. ЧАРОЎНЫ
МАСТАЦКІ КУТОК НА ВУЛІЦЫ САДОВАЙ
http://www.youtube.com/watch?v=fIXi36Ob56w
14. От Немана до Пины 23.08.2013
http://www.youtube.com/watch?v=LrDoJEv2PQk
15. Неманскія перасоўнікі ў Салігорску
http://www.youtube.com/watch?v=ld6j5RvRZ4c
16. Паэту - Нёманскі вянок. Выстава
жывапісу, графікі і скульптуры ў Навагрудку (30.10.2013)
http://www.youtube.com/watch?v=xBPsIiDxSIw
17. Вандроўкі з эцюднікам. Мікалай
Мішчанка 22. 11. 2013
http://www.youtube.com/watch?v=TK5QedXLPAU
18. Интервью с доктором
искусствоведения К. Пиотровским (г. Лодзь, Польшча)
http://www.youtube.com/watch?v=CpBNokFVjCU
19. Выстава "З краязнаўчай скарбонкі
Васіля Лычкоўскага"
http://www.youtube.com/watch?v=GX9e-t4cjKE
|