Сёлета 19 верасня ў Нясвіжы на вуліцы Садовай, у доме-музеі мастака Міхася Канстанцінавіча Сеўрука адбылася нязвыклая ўрачыстасць.

Мастакі з Мінска, Узды і Гродна перадалі ў дар для музейнай калекцыі свае творы, прысвечаныя памяці вялікага жывапісца і графіка, які з 1939 г. да канца сваіх дзён (1972 г.) жыў і працаваў у гэтым непаўторна прыгожым і ўтульным горадзе.

Тыдзень таму назад мастакі правялі тут свой першы аднадзённы плэнэр, толькі, як кажуць, дакрануліся да хвалюючай іх тэмы жыцця і творчасці класіка беларускага выяўленчага мастацтва.

Але, вярнуўшыся дадому, працягвалі працаваць над распачатымі творамі і літаральна праз тыдзень у завершаным выглядзе перадалі іх на захаванне дырэктару Нясвіжскага гісторыка-краязнаўчага музея Інэсе Піваварчык і навуковаму супрацоўніку музея Ірыне Калібабе...