МАСТАЦТВА,
ЯКОЕ АКРЫЛЯЕ
Мастацкая галерэя "Панарама” Нацыянальнай
бібліятэкі Рэспублікі Беларусь прэзентавала выстаўку "Акрыленая”, прысвечаную
120-годдзю стварэння першага паэтычнага зборніка Лесі Украінкі "На крилах
пісень”.
Ва ўрачыстай цырымоніі адкрыцця прымала ўдзел
вялікая аўдыторыя людзей, неабыякавых да жыццёвага і творчага шляху
ўкраінскай пісьменніцы.
Ганаровым госцем стаў Надзвычайны і Паўнамоцны Пасол Украіны ў Рэспубліцы
Беларусь Міхаіл Ежэль. У сваім выступленні ён адзначыў глыбіню творчасці
Л. Украінкі, якая заўсёды садзейнічала ўмацаванню дружбы і культурных
сувязей паміж народамі.
З пажаданнямі надалейшых поспехаў М. Ежэль таксама
звярнуўся да творцаў і арганізатараў выставы, якія здолелі цудоўна аб’яднаць
вершаваныя і мастацкія вобразы.
Вялікую значнасць культурнай падзеі падкрэсліла першы
намеснік дырэктара Нацыянальнай бібліятэкі Алена Далгаполава. Яна звярнула
ўвагу прысутных на ўдалае размяшчэнне экспазіцыі: мастацкая галерэя знаходзіцца ў межах агляднай
пляцоўкі і з’яўляецца адным з самых наведвальных экскурсійных месцаў.
Таму можна
з упэўненасцю казаць, што выстава будзе садзейнічаць умацаванню і распаўсюджванню
мастацкіх і літаратурных ведаў сярод жыхароў і гасцей сталіцы.
Слова
меў ідэйны натхняльнік і ўдзельнік выставы кандыдат мастацтвазнаўства прафесар
Беларускай дзяржаўнай акадэміі мастацтваў Яўген Шунейка.
Ён павіншаваў усіх
прысутных з адкрыццём выставы, якая, дзякуючы выдатнаму спалучэнню паэтычных,
жывапісных і графічных твораў, пашырае межы выяўленчага мастацтва.
Асаблівую
ўвагу ў сваёй прамове Я. Шунейка надаў выключнасці эпічнага таленту Л. Украінкі і адзначыў яе важкі
ўнёсак у развіццё славянскай і еўрапейскай культуры.
Е.Шунейко, М.Эльяшевич, И.Суховецкий у картины "Леся Украинка и Сергей Мержинский в Минске"
Да
гасцей і арганізатараў выставы звярнуліся яе ўдзельніцы: члены творчай суполкі
"Арт-Дыпламатыя” мінскага міжнароднага жаночага клуба жонак паслоў, дыпламатаў
і замежных прадстаўнікоў Наталля Сухавецкая, Наталля Апостал, Ануш Бабаян.
Яны
выказалі шчырыя словы падзякі ўсім, хто меў дычыненне да стварэння выставы і
прадставіў магчымасць прадэманстраваць уласныя творчыя здольнасці, асабліва
сваёй настаўніцы, таксама ўдзельніцы выставы — Марыі Эльяшэвіч.
Прадстаўніцы
"Арт-Дыпламатыі” падзяліліся ўражаннямі, звязанымі з тым, што іх мастацкая
дзейнасць, якая ўпершыню будзе прадстаўлена шырокай публіцы, пачалася з
раскрыцця менавіта ўкраінскай тэматыкі, у аснове якой — геніальная творчасць Л. Украінкі.
Творчая
імпрэза была падтрымана лірычнымі спевамі ў выкананні народнага хору ўкраінскай
песні "Криніця”. Спецыяльна для наведвальнікаў экспазіцыі, супрацоўнікі
Нацыянальнай бібліятэкі падрыхтавалі кніжную выставу, прысвечаную творчасці Л. Украінкі.
Пасля афіцыйнага адкрыцця пачалося непасрэднае знаёмства
з мастацкімі творамі, прасякнутымі асаблівым паэтычным настроем, індывідуальным
бачаннем і адчуваннем украінскага каларыту. Вельмі разнастайныя па тэхніцы
выканання і па сэнсаваму насычэнню кампазіцыі аб’ядноўваюцца тонкімі пачуццямі
душэўнай чысціні, адкрытасці і цеплыні.
За цікавымі размовамі пра прыгожае, непрыкметна
завяршылася ўрачыстае мерапрыемства і кожны з прысутных адчуў сябе акрыленым новымі
творчымі ідэямі.
Г. Быкава,
мастацтвазнаўца.
А.Фоменко, М.Эльяшевич, Е.Шунейко
Наша Леся (Фільм про Лесю Українку)Волинська обласна творча дитяча студія «Боривітер»
Над фільмом працювали:
Сценарій Романа Поліщука Режисура Лілії Поліщук, Марії Лукашевич Операторська зйомка Марії Лукашевич, Ніни Ліщук, Сергія Шеремета, Олени Лукашевич Монтаж Ігоря Лукашевича Музичне оформлення Ірини Хмілевської, Сергія Лукашевича Дикторський текст читали: Роман Поліщук, Лілія Поліщук Сопілка Юрій Фокшей Роль Лесі: Єва Лабунська, Оксана Грабинська Народні пісні виконував фольклорно-етнографічний ансамбль «Родина» У фільмі використані фрагменти стрічок: «Вогнем та мечем», «Сто лет кино»
2006 рік
|