ДУ «Уздзенскі гісторыка-краязнаўчы музей», праект «Выток Нёмана - выток духоўнасці» і «ПраСВЕТстудыя» прадстаўляюць цыкл папулярна-асветніцкіх фільмаў «Гісторыя адной карціны".

Адна карціна аднаго беларускага мастака вачыма мастацтвазнаўцаў, супрацоўнікаў музея, таксама пра гісторыю іх стварэння  распавядаюць іх аўтары, самі мастакі.

Цыкл прызначаны для папулярызацыі беларускай мастацкай школы рэалістычнага мастацтва, мастакоў, месцаў іх пражывання, музеяў, у якіх захоўваюцца творы беларускіх мастакоў, дастойныя нашай увагі і захаплення.

Гэты цыкл дазволіць пазнаёміцца з вялікай творчай спадчынай, а таксама сучаснымі здабыткамі нашага айчыннага мастацтва, якія яшчэ не заўсёды атрымалі належнае асэнсаванне і папулярнасць.

Спадзяемся, што прапанаваныя Вашай увазе відэаматэрыялы стануць шматлікімі і запатрабаванымі. Такім чынам, добрых уражанняў у свеце мастацкіх адкрыццяў!